Kitsissunnguit eqqaanni nipisanniartoqannginnissaanik eqqaasitsissut

Kalaallit Nunaanni Aalisarsinnaanermut Akuersissutinik Nakkutilliisoqarfiup matumuna erseqqissaaffigerusuppaa qeqertani eqqissisimatitani Kitsissunnguit ilaasa eqqaanni, Qasigiannguit Aasiallu akornanniittuni juunip 11-annit nipisanniartoqaqqusaanngimmat.

Kitsissunnguit eqqissisimatitaanissaat pillugu Namminersornerullutik Oqartussat nalunaarutaannut siunnersuut nr. 11, 17. april 2008-meersoq:

§ 11. Immikkoortoq 1-imi, 2-mi 3-milu piniarneq, aallaaniarneq, mannissarneq aalisarnerlu inerteqqutaapput 1. majimiit 31. oktobarimut. Aalisarnermut sakkut, tamatumani qassutit ilanngullugit, peerlugillu nassarneqassapput 1. maj tikitsinnagu, taamaattoq takuuk imm. 2.

Imm. 2. Immikkoortoq 2-mi 3-milu nipisanniartoqarsinnaavoq 1. majimiit 10. junimut. Aalisarnermi atortut, qassutit ilanngullugit, peerneqarlutillu nassarneqassapput kingusinnerpaamik 10. juni.

Imm. 3. Sumiiffiup eqqissisimatitap iluani aalisakkat sinnikuisa iginnissaat inerteqqutaavoq.

Nalunaarummi aamma aalajangersagaavoq aalisarnermi atortut, qassutit ilanngullugit, peerneqarlutillu nassarneqassasut kingusinnerpaamik juunip 10-anni.

Nunaminertap eqqissisimatitap killiligaanera :

Avannamut killiffia: 52º 4´40´´ W, 68º 52´35´´ N

Kujammut killiffia: 51º 49´ 45´´ W, 68º 48´25´´ N

Kangimut killiffia: 51º 42´11´´ W, 68º 50´ 6´´ N

Kimmut killiffia: 52º 7´ 58´´ W, 68º 51´ 54´´ N

Attavigineqarsinnaavoq Niels J. Lauersen, Kalaallit Nunaanni Aalisarsinnaanermut Akuersissutinik Nakkutilliisoqarfik. Email: Nijl@Nanoq.gl