Eqqaaniut Inatsisileritooq Cand. Jur. Jørn Birk Olsen

Aalisarnermut, Piniarnermut Nunalerinermullu Pisortaqarfimmi pisortaasimasumut eqqaaniut Inatsisileritooq Cand. Jur. Jørn Birk Olsen

Landsrådeqarallarmat, Namminersornerullutik Oqartussaqarallarmat aamma Namminersorluni Oqartussat aallartinnerini atorfilik, Inatsisileritooq Cand. Jur. Jørn Birk Olsen sivisuumik napparsimareerluni toquvoq. Ilaqutaasut, qimataasut artorsarnerini misiginneqatigingaarpavut.

Jørn Birk Olsenip nuliani Lisbeth nunatsinnut tikeqatigivaa, Nuummilu najugaqarnerminni qitorniorlutik. Suliaminut tunniusimalluinnarluni ESU-mi sulineq inuunerminut akuutippaa, ukiorpassuarnilu qitiulluni suliaqarfigalugu. Jørn Birk Olsen Naalakkersuisut Siulittaasoqarfiani atorfilittut sulivoq ilaquttanilu Danmarkimut uternissami tungaanut.

Jørn nunatsinnut tikippoq (ESU) inuussutissarsiutinut tapiissutisisarfik suliffigilissallugu, inuussutissarsiutinut tapiissutisisarneq Landsrådimit 60-70-ikkunni akisussaaffigineqarallarmat.

ESU pitsaasumik ilusilersorlugu aaqqissuuppaa. Inuussutissarsiutinut tapiissutisisarfik aalisartorpassuarnit aamma piniartunit, kommuninit, aalisartut kattuffiinit aamma aningaaserivinnit attaveqartuummat, Jørn inuppassuarnik ilisarisimasaqarluni attaveqartarpoq.

Silassorissuugami aalisarnermik ineriartortitsineq sunniuteqarfigalugu peqataaffigilluinnarpaa. Nunatsinni aalisarnerup 1970-imit 2000-ikkunnut ineriartupiloornerata nalaani aalisariutit tamarluinnaasa attuumassuteqarfigalugit.

Jørn Birk Olsen pisortaqatiminit aamma Aalisarnermut, Piniarnermut Nunalerinermullu Naalakkersuisoqarfimmi sulisunit nuannarineqarluinnartuuvoq. Eqqaaneqarnera ataqqinartuuli.

Naalakkersuisoqarfimmi pisortaaneq Jørgen Isak Olsen