Sarfannguani terianniaq perlerortoq

Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) Apriilip 9-ani 2018 Qeqqata Kommunianiit saaffigineqarsimavoq, Sarfannguani innuttaasoq terianniamik eqqumiittumik pissusilimmik takusaqartoqarsimaneranik nalunaarummik. Terianniaq qimmimit qimuttumit paatilluni toqusimavoq, kingornalu terianniaq perlerornermik nappaateqartoq paasineqarsimalluni.

Nunaqarfimmi qimmit qimuttut tamarmik perlerornermut akiuussutissamik kapitereer-nikuummata tunillanneqarnissaannut aarlerinartoqanngilaq. Qimmit perlerornermut akiuussutissamik kapitereernermiit ullut 21-it kingorna perlerornermik nappaateqaler-sinnaanngillat, akiuussutissarlu taanna ukiut pingasut tikillugit atuuttarpoq.

UNIO-p erseqqissarusuppaa Kalaallit Nunaanni terianniat ilaat perlerornermik nap-paateqarmata taamaammallu nappaammik inunnut ingerlateqqinneqarsinnaasumik tunillaassuisinnaammata. Taamaammat aamma inuinnaat oqartussallu akornani qim-minik qitsunnilu akiuussutissanut kapoorinerit pillugit ingerlassilluarnissaq anguniarlugu suleqatigiilluarsinnaaneq pisariaqarpoq.

Naggasiullugu UNIO-p inassutigissavaa teriannianik pasinarsinnaasumik pissusilinnik takugaanni qanilliniartaqqunagit aammalu terianniamik napparsimasumik najugaqarfiup eqqaani imaluunniit qimmit eqqaanni takugaanni oqartussaasunut tamanna nalunaarutigisaqqullugu.

Uumasunik perlerornermik nappaateqarsinnaasumik ernumagisaqaraanni UNIO-p mailianut saaffiginnittoqarsinnaavoq uunga: uumasut@nanoq.gl