Kangaatsiami Qeqertarsuullu Tunuani ullumikkut nipisanniartoqalissaaq

Aqutsiveqarfimmi 1 Ba-mi aamma 1a-mi ullumikkut marlunngorneq maajip aallaqqaataanit nipisanniartoqalissaaq.

Aqutsiveqarfik 1 Ba inissisimavoq 67°22,5'N-miit - 68°52,5'N-mut.

Aqutsiveqarfik 1a inissisimavoq 68°52,5'N-miit avannamut.

Aqutsiveqarfimmut 1 Ba-mut nipisat suaat ukioq manna pisassiissutigineqartut 91 tonsiupput, 1a-mut 84 tonsit. Kitaanut pisaassiissutigineqartut katillutik 1.300 tonsiupput, taakku aqutsiveqarfinni arfineq marluusuni aalisarneqarsinnaapput.

Aqutsiveqarfimmi 1Ba-mi aamma 1a-mi ulloq tunisiffigineqarsinnaasoq kingulleq tassaavoq pingasunngorneq juunip 13-iat, pisassiissutigineqarsimasut nungoreersimanngippata.

Pisassiissutigineqartut nunguppata nalunaarutiginnittoqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.

Attavigineqarsinnaasoq: Aalisarnermut Piniarnermullu Naalakkersuisoqarfimmi Immikkoortortami pisortaq Kunuk Holm. Mail: kunh@nanoq.gl. Tlf.: 34 52 28.