Maniitsumi ataasinngorpat nipisanniartoqalissaaq

Stemningsbillede Aqutsiveqarfimmi 1C-mi, Uiaaniamit Kangerluarsussuarmut nipisanniarneq ataasinngorpat apriilip 16-ianni aallartissaaq. Aqutsiveqarfimmi nipisat suaat ukioq manna pisassiissutigineqartut 310 tonsiupput.

Kitaanut pisaassiissutigineqartut katillutik 1.300 tonsiupput, taakku sumiiffinni, aqutsiveqarfinni arfineq marluusuni aalisarneqarsinnaapput.

Aqutsiveqarfimmi 1C-mi ulloq tunisiffigineqarsinnaasoq kingulleq tassaavoq pingasunngorneq maajip 29-at, pisassiissutigineqarsimasut nungoreersimanngippata.

Pisassiissutigineqartut nunguppata, tamanna nalunaarutigineqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.

Attavigineqarsinnaasoq: Aalisarnermut Piniarnermullu Naalakkersuisoqarfimmi AC-fuldmægtig John Biilmann. E-mail: johb@nanoq.gl