Nuummi nipisanniarneq tallimanngorpat aallartissaaq

Stemningsbillede

Aqutsiveqarfimmi 1D-mi, Qarsaalimmit Uiaaniamut nipisanniarneq tallimanngorpat apriilip 13-ianni aallartissaaq. Aqutsiveqarfimmi 1 D-mi nipisat suaat ukioq manna pisassiissutigineqartut 440 tonsiupput.

Kitaanut pisaassiissutigineqartut katillutik 1.300 tonsiupput, taakku sumiiffinni, aqutsiveqarfinni arfineq marluusuni aalisarneqarsinnaapput.

Aqutsiveqarfimmi 1D-mi ulloq tunisiffigineqarsinnaasoq kingulleq tassaavoq maajip 26-at, pisassiissutigineqarsimasut nungoreersimanngippata. Pisassiissutigineqartut nunguppata, tamanna nalunaarutigineqassaaq. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.

Paasissutissanik amerlanerusunik paasisaqarusukkuit APN-mi AC-fuldmægtigimut John Biilmannimut paasiniaasinnaavutit. Tlf: 34 50 00. Mail: apn@nanoq.gl