Suliffeqarfinnut NemID

Maanna Nunatsinni suliffiutillit NemID atorlugu digitalimik atsiorsinnaalerlutillu isumaqatigiissusiorsinnaalerlutillu nalunaarutiginnissinnaalerput. Ilaatigut pisortanit kiffartuussisarnerit nammineq immersortagassiat ingerlaavartumik ineriartortinneqartut ajornannginnerusumik iserfigineqarsinnaalissapput.

NemId atorlugu suliffeqarfinnut iluarsiissutit
Kisimiilluni suliffiuteqaraanni NemID privatiusoq atorneqarsinnaavoq. Allanik suleqateqaraanni sulisoqaraanniluunniit suliffeqarfik sinnerlugu sulisutut nalunaartartussamik NemID-taartoqarsinnaavoq.

Privat NemID
Suliffeqarfiutillip NemID-ni privateq atorlugu suliffeqarfik sinnerlugu uppernarsaateqarsinnaavoq. Tamanna aamma piginneqatigiiffiuppat (ApS) imalt. aktianik piginneqatigiiffiuppat kisimi sinniisutut, tassa kisimi atsiorsinnaatitaagaanni suliffeqarfillu sinnerlugu isumaqatigiissusiortuugaanni.
Privat NemID onlinekkut inniminnerneqarsinnaavoq una aqqutigalugu www.nemID.nu imalt. Innuttaasunut sullissivimmut qaninnermut piumaneqarsinnaavoq.

NemID Suleqataasutut atsiortarneq
Kisimiinnani suliffeqarfiuteqaraanni NemID suleqataasutut atsiorneqarsinnaavoq. Taanna aamma onlinekkut Nets-ikkunni inniminnerneqarsinnaavoq una aqqutigalugu www.medarbejdersignatur.dk.
Suliffeqarfimmi sulisoq siulliulluni NemID-mik suleqataasutut atsiorsinnaanermik qinnuteqartoq ingerlaannaq suliffeqarfimmi NemID-mi aqutsisunngortinneqassaaq. Kingusinnerusukkut aqutsisussat arlallit toqqarneqarsinnaapput. NemID-mi aqutsisup suliassaraa suliffeqarfimmi NemID suleqataasutut sulisunut atsioqataasalernissap inniminnertarnissaa aqunneqarnissaalu.
Sulisut siulliit pingasut akeqartinneqarneq ajorput.

NemID sumut atorneqarsinnaagami?
Privat NemID imalt. NemID suleqataasutut atsiortaat suliffeqarfik sinnerlugu ilisarnaataasinnaavoq makkunani:

• Pisortani saaffiginnikkaanni
• Onlinekkut atsiornertut, s.i. pisortanut webblanketit
• Pisortanit paasissutissanut isissutissatut, soorlu akileraartarneq pillugu nammineq inuttut paasissutissanik sullissivik.gl-imut aallerniaraanni
• OIOUBL fakturat– akiligassat uppernarsaataat elektroniskiusut – naqiterlugit anisinniaraanni
• Pisisartoq sinnerlugu kukkunersiuisutut siunnersortitulluunniit kapitalselskabit naatsorsuutaat nalunaarsoriikkat uploadertarlugit.
• E-mailit isumannanngitsut kryptererneqarsimasut digital signaturimilluunniit atsiorneqarsimasut nassiullugillu tigoorarlugit
• it-systeminut interniusunut isissutitut, suliffeqarfigisap tamanna neqeroorutigippagu

Sukumiinerusumik paasisaqariusuttut Digitalimik Sullissinermut Aqutsisoqarfimmut attaveqarsinnaapput: digitalisering@nanoq.gl