Nunap immikkoortuini 2018-imi tikaagullittassat agguaanneqarput

Nunap immikkoortuini 2018-imi tikaagullittassat agguaanneqarput.

 

Tikaagulliit

Kitaani

2018-imi Kitaani tikaagullittassat tamakkerlutik 179-iupput (164+15 2017-imi pisarinngitsuukkat ilanngullugit). Pisassiissutit agguaanneqassapput angallatinut tuukkartalinnik qamutililinnut 129-t aamma ataatsimoorluni piniaqatigiinnermut 50-it. Angallatit kiisalu ataatsimoorluni tikaagullinniarnissamut teknikikkut piumasaqaatinik nalunaarutini ataani taaneqartunik naammassinnissimasutut akuerineqarsimasut nalunaarut atuuttoq malillugu 1. marts-imiit 30. novemberimut tikaagullinniarsinnaapput.

 

ATAATSIMOORLUNI - tikaagulliit 2018

 

 

Kalaallit Nunaata Kitaani#*

Pisat 2017

Pisassiissutit 2018 (2017)

Qaanaaq

0

1 (1)

Upernavik

8

5 (5)

Uummannaq

8

6 (6)

Qeqertarsuaq

7

3 (3)

Ilulissat

6

2 (2)

Qasigiannguit

5

2 (2)

Aasiaat

6

4 (4)

Kangaatsiaq

5

3 (3)

Sisimiut

4

3 (3)

Maniitsoq

10

4 (4)

Nuuk

3

3 (3)

Paamiut

3

3 (3)

Narsaq

6

4 (4)

Qaqortoq

3

3 (3)

Nanortalik

3

4 (4)

* Qaanaaq, Upernavik, Uummannaq, Qasigiannguit, Qeqertarsuaq, Narsaq aamma
Nanortalik 1. januar 2018-imi akuerisaallutik qamutilinnik tuukkartalinnik angallateqanngillat 

 

Tunu      

2018-imi Tunumi tikaagullittassiissutit tamakkerlutik 12-iupput (12 + 3 2017-mi pisarinngitsuukkat ilanngullugit). Ataatsimoorussamik tikaagullinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. marts-imiit 30. novemberimut tikaagullinniarsinnaapput.

 

ATAATSIMOORLUNI - tikaagulliit 2018

 

 

Kalaallit Nunaata Tunuani tikaagulliit*

Pisat 2017

Pisassiissutit 2018 (2017)

Ittoqqortoormiit

0

5 (5)

Ammassalik

10

10 (10)

* Ittoqqortoormiit aamma Ammassalik 1. januar 2018-imi angallatinik tuukkartalinnik qamutililinnik akuerisaasunik peqanngillat 

 

Eqqarsaatigineqarpoq kommunerujussuit nammineerlutik pisassiissutit sinnerinik agguaasseqqittarsinnaasut, immaqa ullormik aalajangersimasumik piffissalerlugit pisaasut aqunneqarnissaat aammalu pisassiissutit paggatassiissutigineqannginnissaat siunertaralugu, Namminersorlutillu Oqartussat ingerlaannartumik agguaasseqqinnermut tunngasunik piaartumik ilisimatittarlugu. Naalakkersuisup kommunit ataasiakkaat akor­nanni agguaasseqqittarneq isumagisassaraa.

 

§ 8, imm. 1 naapertorlugu APN pisussaavoq kingusinnerpaamik ulloq 1. september pisassiissutit sinnerussimasinnaasut agguaasseqqissalluni, tamanna KNAPK aamma kommuneit tusarniareerlugit.

 

Piniarnissani piumasaqaatit (www.inatsisit.gl)

Arfernik angisuunik piniarneq ingerlanneqassaaq takuuk:

  • Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 12, 22. december 2014-imeersoq
  • Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.

 

Kalaallit Nunaanni arferit anginerit pisassat Arfanniarnermut Ataatsimiititaliarsuup (IWC), pisassiissutinik aalajangiisartuusup, inassuteqarnera tunngavigalugu aalajangersorneqartarput. Ataatsimoortumik ukiunut 4-nut atuuttumik tikaagulliusaanik, arfivinnik, qipoqqarnik Kitaanilu tikaagullinnik aammalu Tunumi tikaagullinnik pisassiissutit 2015-2018-imut atuupput. Tullianik IWC-mi ataatsimiinnissaq pilersaarutigineqarpoq septemberimi 2018-imi. Ukioq pisassiiffiusoq naagaangat nalilersuineqartartussaavoq, nutaamik ukiumut tullermut pisassiinissamut inassuteqaateqartoqarsimappat pisassanillu qaangiisoortoqarsimanersoq misissorlugu.

 

Nalunaarutigineqassaaq Inatsisartunut qinersinissap nalunaarutigineqarnera tunngavigalugu arfernut angisuunut illersuinissaq piniarnissarlu pillugit nalunaarut missingersuut tusarniutaasimasup isummerfigineqarnissaa aatsaat pisinnaammat nutaanik Naalakkersuisoqalerpat.

 

 

Paasissutissat sukumiinerusut pissarsiarerusukkukkit attavigiuk:

Immikkoortortaqarfimmi pisortaq Amalie Jessen, tlf: 34 53 04, e-mail: amalie@nanoq.gl