Aalisakkat ikerinnarsiortut 2018-imut pisassiissutigineqarneri

Naalakkersuisut januaarip sisamaanni aalajangerpaat ukioq manna avaleraasartoortassat 66.365 tonsiussasut. Naalakkersusiut februaarip 15-ianni 2018 aamma aalajangerpaat ammassassuit 25.000 tonsit pisassiissutigineqassasut aamma saarullernat 10.000 tonsit pisassiissutigineqassallutik.

Avaleraasartuut pisassiissutigineqartut ukioq manna aamma pisassiissutinut marlunnut avinneqarput.

Avaleraasartuut avinneqartut immikkoortuisa siullianni amerlanersaat aalisariutinut Kalaallit Nunaanneersunut pisassiissutaapput. 46.365 tonsit immikkoortumut siullermut pisassiissutigineqarlutik.

Aalisariutinut Kalaallit Nunaanneersunut piumasaqaatinik naammassinnittunut assigiimmik avillugit pisassiissutigineqarput.
Avinneqartut immikkoortuisa siullianni avaleraasartuut pisassiissutigineqartut annerpaamik 40 procentii aalisariutinik attartukkanik aalisarneqarsinnaapput.

Avinneqartut immikkoortuisa aappaanni avaleraasartuut 20.000 tonsit ingerlatseqatigiiffinnut namminneerlutik aalisariuteqanngitsunut pisassiissutigineqarput. Ingerlatseqatigiiffiit piumasaqaatinut assigiinngitsunut naammassisaqarsimasuussapput. Pisassiissutigineqartut assigiimmik ingerlatseqatigiiffinnut amerlanerpaamik tallimanut agguarneqassapput.

Tunumi ammassassuit saarullernallu pisassiissutigineqartut avinneqartut immikkoortuisa siullianni ingerlatseqatigiiffinnut avaleraasartoortassinneqarsimasunit aalisarneqarsinnaapput.

Qinnuteqaatit, ikerinnarsiorluni aalisarnermut paasissutissanik annerusumik paasisaqarusukkuit, qinnuteqaat paasissutissallu uani pisinnaavatit.

Qinnuteqarfissaq (PDF)

Qinnuteqarfissaq (Word)

Attavissaq: Jákup Emil Hansen, Aalisarnermut Piniarnermullu Naalakkersuisoqarfimmi AC-fuldmægtig. Email: jaeh@nanoq.gl