Nipisat 1.300 tonsit ukioq manna aalisarneqassapput

Stemningsbillede

Naalakkersuisut marsip arfineq-pingajuanni 2018 aalajangerpaat nipisat ukioq manna aalisarneqartussat 1.300 tonsiussasut.

Nipisanniarfiusut tamarmik siornatulli sivisussuseqassapput,  ulluni 44-ni nipisanniartoqartassalluni.

Imartami pineqartumi aalisarnerup ammarneqarnerata nalunaarutigineqarneranut ulloq tunisiffiusussaq kingulleq ilanngullugu nalunaarutigineqassaaq.  Aalisarneq imartami pineqartumi piffissap aalisarfiup qaangiunnissaata tungaanut imaluunniit immikkoortumi pisassiissutit nungunnissaasa tungaannut ingerlaannassaaq.

Najukkani aalisakkerivinni pisortat aalisartullu sinniisuat aalisarnerup qanoq ilinerani aallar-tissanersoq Aalisarnermut Piniarnermullu Naalakkersuisoqarfimmut inassutigissavaat.  Aalisakkerivimmi pisortat inassutigineqartumut aalajangiisuussapput. 

Kalaallit Nunaata Kitaani nipisanniarnermut uumassusilinnik misissuisut siunnersui­nerat aqutsinissamullu pilersaarut naapertorlugit 2018-imut pisassiisoqarpoq.

Nipisanniarfigineqarsinnaasut arfineq pingasuupput. Ukunani NAFO-p immikkoortitigaani nipisanniartoqarsinnaalluni.

Imartaq 1A, 84 tonsit

Imartaq 1 Ba, 91 tonsit

Imartaq 1 Bb, 54 tonsit

Imartaq 1C, 310 tonsit

Imartaq 1D, 440 tonsit

Imartaq 1E, 191 tonsit

Imartaq 1F, 130 tonsit

Nipisanniarneq pillugu Namminersornerullutik Oqartussat nalunaarutaat naapertorlugu marsip aallaqqaataanit juulip 15-iannut nipisanniartoqarsinnaavoq.

Attavigineqarsinnaavoq: Aalisarnermut Piniarnermullu Naalakkersuisoqarfimmi AC-fuldmægtig, John Biilmann. Email: johb@nanoq.gl