Atuagaaraq trikininit nappaammut tunngasoq

Kalaallit Nunaanni Uumasut Nakorsaqarfik Inuussutissalerinermullu Oqartussaaffik uani tusagassiorfimmut nalunaarummi maluginiaqquaa, atuagaaqqap ” Trikininit nappaat - Tunillatsinnissaq pinaveersaartinniarlugu paasissutissat ilitsersuutillu” saqqummiunneqarqammermat.

Atuagaaraq suliarineqarpoq ukunannga Kalaallit Nunaanni Uumasut Nakorsaqarfik Inuussutissalerinermullu Oqartussaaffik, Nunatsinni Nakorsaaneqarfik, Peqqissutsimut Naalakkersuisoqarfik taavalu Nerisaqarnermut Timigissarnermullu Siunnersuisoqatigiit.

Atuagaaqqap saqqummersinneqarneranut siunertaavoq inuiaqatigiinnut nannup, aarrup kiisortullu allat neqaasa trikinit nappaataannik peqarsinnaanerannik ulorianaateqarneranut paasissutissiinissaq aammalu ilitsersuinissaq trikininit nappaammit tunillatsinnaveersaarnissamut.

Atuagaaraq uani atuarsinnaavat www.businessingreenland.gl (una tooruk).

Digital-inngorluguttaaq atuagaaraq Nunatsinni Nakorsaaneqarfiup nittartagaani aaneqarsinnaavoq, www.nun.gl, aamma peqqinnissaqafiup nittartagaani aaneqarsinnaavoq, www.peqqik.gl.

Aammattaaq atuagaaraq nuna tamakkerlugu napparsimavinnut peqqissaaveqarfinnullu taavalu kommuninut nassiussuunneqarsimavoq.

Inussiarnersumik inuulluaqqusilluta
Kalaallit Nunaanni Uumasut Nakorsaqarfik Inuussutissalerinermullu Oqartussaaffik
E-mail: uumasut@nanoq.gl