Kinguaassiutitigut atornerluinerit pillugit uunga saaffiginnissinnaavutit

NAKUUSAp suliniutaa, Ullut Tamaasa, maanna sapaatit akunnerini marlunni ingerlareersimalerpoq. Kinguaassiutitigut atornerluisarneq suliniummi ukkatarineqarpoq, kiisalu kinguaassiutitigut atornerluisarnerup akiorneqarnissaanut inuiaqatigiinni kikkut tamarmik peqataasariaqartut pineqarluni. Kinguaassiutitigut atornerluinerup taama sakkortutigisumik ukkatarineqarnera peqatigalugu innuttaasunut kinguaassiutitigut atornerlugaasunut imaluunniit atornerlugaasimasunut sunniuteqarsinnaavoq. Taamaattoqartillugu pingaaruteqarluinnarpoq innuttaasutut misigisimasat unammilligassallu pillugit allanik oqaloqateqarsinnaaneq. Kinguaassiutitigut atornerluineq pillugu arlaanik oqaloqateqarusukkuit, ukununnga saaffiginnissinnaavutit.

Siunnersorneqarneq

Meeqqanut
MIOp SMS-kut siunnersuisarfia 1899
Ammasarfii: Ulluinnarni nalunaaqutaq 16:00-imiit 18:00-imut
Inersimasumik allaqateqarnissamik pisariaqartitsigaanni nuna tamakkerlugu meeqqanut inuusuttunullu akeqanngitsumik SMS-kkut siunnersuisarfik.

Meeqqat Inuusuttullu oqarasuaataat 134
Ammasarfii: Ulluinnarni nalunaaqutaq 19:00-imiit 21:00-imut
Meeqqat arlaannik oqaloqateqarnissamik pisariaqartitsisut sianersinnaapput. Inersimasut meeqqamik pitsaasumik ineriartortinnissaat pillugit paasisaqarnerorusuttut aamma tassunga sianersinnaapput.

Inersimasunut
• 141 – Inersimasut meeraanerminni kinguaassiutitigut atornerlunneqarsimanertik pissutigalugu kingunerlutitsisut oqarasuaat atorlugu siunnersorneqarsinnaapput.
Ammasarfii: Marlunngorneq & sisamanngorneq nalunaaqutaq 19:00-imiit 21:00-imut aamma arfininngorneq nalunaaqutaq 15:00-imiit 17:00-imut.

• Attavik 146
Ammasarfii: Ulluinnarni nalunaaqutaq 19:00-imiit 21:00-imut
Inuttut ajornartorsiuteqartunut imaluunniit imminut toqussimasunit sunnerneqarsimasunut nuna tamakkerlugu oqarasuaatikkut akeqanngitsumik kinaassutsimillu taaseqqaarani siunnersuisarfik

• Ilaqutariinnut siunnersuisarfik 31 41 51
Ammasarfii: Ullut tamaasa nalunaaqutaq 19.00-imiit 21.00-imut
Oqarasuaat atorlugu ilaqutariit meerartallit tamarmik akeqanngitsumik siunnersorneqarsinnaapput

Kinguaassiutitigut atornerlunneqarsimaguit imaluunniit ilisimasaqaruit allat taamaaliorneqarsimasut, taava illit:

Meeraaguit
• Inersimasumut tatigisannut oqaluttuassaatit, assersuutigalugu angajoqqaannut, ilinniartitsisunnut imaluunniit assammik arsarnermut sungiusaasunnut.

Inersimasuuguit
• Kinguaassiutitigut atornerlunneqaruit politiit attavigissavatit atornerluinerlu nalunaarutigalugu
• Meeqqat tapersersorneqarnissaannut inatsit naapertorlugu meeqqamik atornerlunneqarsimasumik ilisimasaqaruit pisussaaffigivat kommunalbestyrelse nalunaarfigissallugu

Kommunimut attaveqarneq
Meeqqamik aarlerigisaqaruit kommunivit internettikkut quppersagaani takusinnaavat sumut saaffiginnissanerlutit.
Aamma kommunit oqarasuaat atorlugu saaffigisinnaavatit
• Kommuneqarfik Sermersooq oqarasuaat: 36 70 00
• Kommune Kujalleq oqarasuaat: 70 41 00
• Qeqqata Kommunia oqarasuaat: 70 21 00
• Kommune Qeqertalik oqarasuaat: 70 19 00
• Avannaata Kommunia oqarasuaat: 70 18 00

Nukinginnartumik pisoqartillugu isumaginninnermi pigaartoq unnukkut unnuakkullu sianerfigineqarsinnaavoq
• Qaanaami oqarasuaat: 49 93 59 atorlugu
• Upernavimmi oqarasuaat.: 59 02 08 atorlugu
• Uummannami oqarasuaat: 54 95 22 atorlugu
• Qeqertarsuarmi oqarasuaat: 54 13 94 atorlugu
• Ilulissani oqarasuaat: 53 09 17 atorlugu
• Qasigiannguani oqarasuaat: 54 04 30 atorlugu
• Kangaatsiami oqarasuaat: 58 68 97 atorlugu
• Aasianni oqarasuaat: 53 61 32 atorlugu
• Sisimiuni oqarasuaat: 53 01 97 atorlugu
• Maniitsumi oqarasuaat: 48 72 00 atorlugu
• Nuummi: 55 57 31 atorlugu
• Paamiuni oqarasuaat: 53 22 98 atorlugu
• Qaqortumi oqarasuaat: 49 34 35 atorlugu
• Narsami oqarasuaat: 49 72 03 atorlugu
• Nanortalimmi oqarasuaat: 53 75 41 atorlugu
• Tasiilami oqarasuaat: 59 82 20 atorlugu
• Ittoqqortoormiini oqarasuaat: 59 91 01 atorlugu