Qinnuteqaateqarnissamut piffissap killissaliussap kinguartinneqarnera

Moskusokse

Qeqqata Kommuniani tammajuitsussanik aallaaniarluni takornariartitsinermik ingerlatsinissamut akuersissummik qinnuteqaateqarnissamut piffissaq killissaliussaq tallimanngornermi ulloq 16. februar 2018-imiit ataasinngornermut ulloq 26. februar 2018-imut sivitsorneqarpoq

Qeqqata Kommuniani tammajuitsussanik aallaaniarluni takornariartitsinermik ingerlatsinissamut akuersissutinut neqeroortitsinermut atatillugu qinnuteqartut allallu soqutiginnittut neqeroortitsinermut najoqqutassanut apeqqutinik nassiussisinnaanissaannut periarfissiisoqarpoq. Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik tassunga atatillugu apeqqutinik amerlasoorpassuarnik tigusaqarpoq. Sulianik suliarinninnerup sivisunerulerneranik, taamaalillunilu siullermik naatsorsuutigineqaqqaartumit apeqqutit kingusinnerusukkut akissuteqarfigineqarnerannik malitseqarpoq. Taamaattumik qinnuteqaammik nassiussinissamut piffissaq killiliussaq 2018-imi tallimanngornermi februaarip 16-ianiit 2018-imi ataasinngornermut februaarip 26-anut sivitsorneqarpoq. Qinnuteqartut taamaalillutik apeqqutinut tiguneqartunut akissuteqaatit tunngavigalugit qinnuteqaatertik naleqqussarsinnaassavaat.

Apeqqutinut tiguneqartunut akissuteqaatit tamarmik tamanut saqqummiunneqassapput uani: http://naalakkersuisut.gl.

Allakkiaq qaaqqusissut aamma qinnuteqaat immersugassaq il.il. Qeqqata Kommuniani tammajuitsussarsiorluni piniarnermut akuersissummik qinnuteqarnissamut atugassaq nittartakkami uaniipput: http://www.businessingreenland.gl/kl-GL/Udbud/Aktuelle-udbud/Koncession-til-trofaejagt-i-Qeqqata-Kommunia

Annerusumik paasisaqarusuttut attavigisinnaavaat Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmi fuldmægtigi Mette Munk Andersen, taanna oqarasuaammut 34 50 00-imut sianerluni attavigineqarsinnaavoq, imaluunniit e-mailikkut: mema@nanoq.gl