Sara Olsvig oqaloqatigiinnissamut aggersaavoq

Naalakkersuisup Sara Olsvigip Nuugaatsiarmiut Illorsuarmiullu oqaloqatigiinnissamut aggersarpai

Isumaginninnermut, Ilaqutariinnermut, Naligiisitaanermut Inatsisinillu Atuutsitsinermut Naalakkersuisoq Sara Olsvig 13. februar Uummannami ataatsimiisitsiniarpoq, tassami Uummannaq Nuugaatsiamit Illorsuarniillu qimagussorneqarsimasut amerlanersaa najugaqarfigilersimasavaat imaluunniit allamik inissarsiffigisimallugu.

Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoqarfik juunip 17-ni 2017 Nuugaatsiami ajunaarnersuaqarmalli innuttaasunut eqqugaasunut qimarngussorneqartunullu suliniuteqarnermut peqataasimavoq.

Isumaginninnermut Aqutsisoqarfik aqqutigalugu kommunip Nuugaatsiarmiunut Illorsuarmiunullu isumaginninnikkut suliniutaanut Naalakkersuisut tapersersuipput. Isumaginninnikkut suliniutit 2018-mi nanginneqassapput.

"Nuugaatsiarmiut Illorsuarmiullu qanimut naapillugit isumaginninnikkut suliniutit tapersersuinerillu qanoq misigisaqarfigisimaneraat tusagaqarfigissallugu pingaartippara. Ajunaarnersuaqarnerup innuttaasut atugaannut mumisitsisimanissaa qularnanngilaq piffissamilu aggersumi suliniuteqarnitta nanginnerani suut eqqumaffigissanerlugit toqqaannartumik paasisaqarfigerusuppara", Naalakkersuisoq Sara Olsvig oqarpoq.

Oqaloqatiginninneq Uummannami Atuarfik Edvard Krusep inersuaani pissaaq marlunngorneq februaarip 13-ni nal. 16-mit 18 tungaanut.

Isumaginninnermut Aqutsisoqarfimmit Avannaata Kommunianiillu peqataasoqassaaq.

Naalakkersuisoq Sara Olsvig Uummannami pingasunngornermi februaarip 14-niani innuttaasunik tamanut ammasumik aamma ataatsimiitsissaaq, nal. 19-mit 21-p tungaanut, innuttaasunik ataatsimiititsineq aamma Atuarfik Edvard Krusep inersuaani pissaaq.

Paasissutissat allat naalakkersuisup allattaanut saaffiginnilluni pissarsiarineqarsinnaapput: Upaluk Poppel, oqarasuaat 53 93 71.