Naalakkersuisut Københavnimi ukiortaarsiortitsinerat

Naalakkersuisut Siulittaasuat Kim Kielsen Kalaallit Nunaata Københavnimi Sinniisoqarfiani ileqquusumik ukiortaarsiortitsivoq sisamanngornermi 11. januaari 2018.

Ilassinninnermi siullermi nunat assigiinngitsut Danmarkimut aallartitaat, siulersuisunut ilaasortat, ministerit allallu peqataapput, ilassinninnerullu aappaani Kalaallit Nunaata ikinngutaanik taaneqartartut peqataallutik.

Naalakkersuisut Siulittaasuat Kim Kielsen tikilluaqqusilluni oqalugiarami ukiortaami oqalugiaatimini oqariartuutini ingerlateqqippai imallu aamma oqarluni:

“Inuiattut ineriartornerput nammineq aalajangiisuuffigissavarput. Qanoq politikkeqarnerput pingaarnersiuinerpullu nunarsuarmioqatitsinnit ilisimaneqarnissaa nammineerluta qulakkiissavarput. Nunarsuarmioqatitta nunatsinnik soqutiginninnerat innuttaasutsinnut iluaqutaasunngortinniarlugu ataatsimoorluta angusaqartitsisunngortissavarput.”

Ukiortaarsiortitsinermi erinarsoqatigiit Aavaat aliikkusersuipput.

Oqalugiaat uani atuaruk.

Assit uani takukkit.

 

Paasisaqarnerorusuttut attavigisinnaavaat Tusagassiivimmi pisortaq Paornánguaq Kleist e-mail paok@nanoq.gl imaluunniit mobil +45 31 70 42 67.