Naalakkersuisut suleriaasissaat nutaaq

Selvstyrebygningen i Nuuk

Nalunaarummi maleruagassat Naalakkersuisut suleriaasiannut tunngassuteqartut, tamatumalu saniatigut Naalakkersuisuni ataatsimoorluni aalajangiinissamut sulianik ingerlatitsisarnerup erseqqissarnissaanik siunertaqartut, ataatsimoortinneqarput.

Nalunaarummi pissutsit makkua erseqqinnerusumik maleruagassiivigineqarput:

  • Naalakkersuisuni aaqqissuussaaneq aamma allaffissornikkut aqutsineq.
  • Naalakkersuisuni akuersisarnerit.
  • Naalakkersuisunut ilisimatitsissutit.
  • Naalakkersuisunut ilaasortat piginnaatitaanerat.
  • Naalakkersuisut suliaat Inatsisartunut ingerlatinneqassasut.
  • Namminersorlutik Oqartussani maleruagassanik suliaqarnermut malittarisassiat pingaarnerit.

Nalunaarutip “Naalakkersuisuni, ataqatigiissaarinermut ataatsimiititaliami ataatsimiinnerit pillugit kiisalu § 37 naapertorlugu apeqqutit akissuteqarfigineqartarnerat aamma Inatsisartuni suliassat il. il pillugit kaajallaasitaq” kiisalu “Oqartussaasut sulisorisanut allaffissornikkut akisussaaffii piginnaatitaanerilu pillugit kaajallaasitaq tassungalu tunngasumik ilitsersuutitalik” taarserpai.