Ataatsimiinnerit iluatsilluartut

Saammaateqatigiinnissamut Isumalioqatigiissitap nalinginnaasumik ataatsimiinnerminut atatillugu, isumalioqatigiissitap ukiup naalernerani sulinini naammassitinnagu pingaarutilimmik kalaallit inuiaqatigiinni suliaqartuusut ataatsimeeqatigisaqattaarpai.

Isumalioqatigiissitap ataatsimeeqatigai Kommneqarfik Sermersuumi borgmesteri Asii Chemnitz Narup aamma Kommune Kujallermi borgmesteri Kiista P. Isaksen aammattaaq Qeqqata Kommuniata aallartitaa KANUKOKA-llu siulittaasua Simon Simonsen, Namminersorlutik Oqartussani naalakkersuisoqarfiit aqutsisoqarfiillu aallartitaat, ICC, Inuit pisinnaatitaaffii pillugit Kalaallit Nunaata Siunnersuisoqatigiivi, Kattuffik Utoqqaat Nipaat, KNR aammalu Kalaallit Nunaata Katersugaasivia.

"Uagutsinnut pingaaruteqarsimavoq taakkuninnga oqaloqateqarnissarput, taama oqaaseqarpoq Siulittaasoq Josef Therkildsen, aammattaaq qaaqqusat ilisimasaminnik isumassarsiaminnillu tapersiipput isumaliutissiissutissamut Saammaateqatigiinnissamut Isumalioqatigiissitap Naalakkersuisunut tunniussassarisaannut.


Annertunerusumik paasissutissat pillugit attavigiuk:
Saammaateqatigiinnissamut Isumalioqatigiissitap allattoqarfia oqarasuaatikkut 55 98 01-imut imaluunniit mailikkut molm@nanoq.gl-imut.