Inatsisitigut ataataqanngitsut inatsisitigut pisinnaatitaaffii pillugit innuttaasunik ataatsimiisitsinerit amerlanerusut

Isumaginninnermut, Ilaqutariinnermut, Naligiisitaanermut Inatsisinillu atuutsitsinermut Naalakkersuisoqarfik inatsisitigut ataataqanngitsut inatsisitigut pisinnaatitaaffii pillugit innuttaasunik ataatsimiisitsinerit ukioq manna aallartinneqarsimasut nangippai.

Inatsisitigut ataataqanngitsut tassaapput inuit aappariinnerup avataatigut ukioq 1963 sioqqullugu Kalaallit Nunaata Kitaani inunngorsimasut, aammalu ukioq 1974 sioqqullugu Kalaallit Nunaata Avannaani aammalu Kalaallit Nunaata Kangiani inunngorsimasut, si-usinnerusukkullu inatsiseqarnikkut ataataasup kinaassusersinissaanut periarfissaqartin-neqarsimanngitsut. Ukioq 2014-imi ataataassuseq kingornussisinnaatitaanerlu pillugit malittarisassat nutaat atuutilersinneqarput, inatsisitigut ataataqanngitsut ataataasumik kinaassusersinissaanik pisinnaalersinneqarlutik, kingornusseqataasinnaanngortinne-qarlutik (ataataasoq toqukkut qimagussimanngippat) imaluunniit ataataasup kinguliaanik kinguliaqalersinnaanngortinneqarlutik.

”Nuannaarutigaara Paamiuni aamma Maniitsumi danskit Børne- og Socialministeriat suleqatigalugu paasissutissiinissamik ataatsimiisitsinissamilu inatsisitigut ataataqan-ngitsunut neqerooruteqarsinnaagatta”, Isumaginninnermut, Ilaqutariinnermut, Naligiisi-taanermut Inatsisinillu atuutsitsinermut Naalakkersuisoq Sara Olsvig oqarpoq nangillunilu ”Inatsisitigut ataataqanngitsut pillugit suliaq pingaaruteqartuuvoq inuiaqatigiinnilu amerlasuut atorneqaatigisaralugu. Inatsisitigut ataataqanngitsuunerup inummut sunniutai pillugu qulaajaaneq aallaavigalugu, aasariitsiaq saqqummersumi, inatsisitigut ataa-taqanngitsut oqaloqateqarnissaminnik pisariaqartitsisut neqeroorfigisinnaanerat sulis-sutigaarput”.

Innuttaasunik ataatsimiisitsinerit pissapput:
Paamiuni ulloq 12. oktober nal. 19.00 – 21.00 Taqqissuummi kiisalu
Maniitsumi ulloq 13. november nal. 19.00 – 21.00 Maniitsup katersortarfiani.

Innuttaasunik ataatsimiisitsinerni ataatassarsiuinissami suleriaaseq qanoq inger-lanneqartarnersoq, aammalu qanoq suliassap ingerlanneqarnissaa naatsorsuutigi-neqarsinnaanersoq, paasineqarsinnaavoq.

Naalakkersuisoqarfiup erseqqissassavaa innuttaasunik ataatsimiisitsineq tusagassior-tunut matoqqasuummat inunnik ataasiakkaanik qulequtaq sakkortusinnaammat.

Inatsisitigut ataataqanngitsut pillugit paasissutissat Naalakkersuisut nittartagaani nas-saarineqarsinnaapput.

 

Annertusisamik paasissutissanik pissarsinissami attavigiuk Naalakkersuisup allattaa Nina Jul Larsen e-mail nina@nanoq.gl imaluunniit oqarasuaat 53 93 71.