Sullissivik.gl nuannaraarput

Nunatta inuisa affangajaasa ukioq manna augustimi sullissivik.gl, taassumalu imminut sullinnissami aaqqiissutai atorsimavaat – katillugit 22.254-nik amerlatigisut atuisimapput.

Ukioq kingullermut augustimut naleqqiullugu atuisunik 6.945-nik amerleriarneruvoq, nittartakkamik atuisimasunik nalunaarsuinermi takutinneqaqqammerpoq. Nalunaarsuinermi ukioq manna piffissami januarimit august tikillugu ukioq kingullermit naleqqiullugu atuisimasunik 46%-imik amerleriarsimapput.

Uanilu maluginiarneqassaaq atuisut immikkuullarissumik eqqartorneqarmata. Tassa imaappoq atuisoq immikkuullarissoq ataaseq ullormi ataatsimi naatsorsorneqartarmat atuisoq ataaseq, atuisup qarasaasiaq ataaseq atorlugu arlaleriarluni sullissivik.gl-imut isersimagaluaruniluunniit, Digitalimik Sullissinermik Aqutsisoqarfimmi allaffimmi pisortaq Sarah Thode Andersen nassuiaavoq.

Nuanneqaaq paasillugu innuttaasut qanoq amerlatigisut sullissivik.gl-imi aaqqiissutit atortaraat. Oqartoqarsinnaavoq innuttaasut innuttaasunut sullissineq digitaliusoq tigulluarsimagaat. Pisariinneroqaarmi digitalimik aaqqiissutit atussallugit pisortaqarfinnut assigiinngitsunut piffissami aalajangersimasuni takkunnissamiit.

Taassumami takutiinnarpaa Nunatsinni innuttaasut siunissami digitaliunerusumut piareersarluarsimalersut, Sarah Thode Andersen oqarpoq.

Suliniarnernut facebookimi malinnaasoqarsinnaavoq uani www.facebook.com/sullissivik.gl

Annertunerusumik paasissutissanut: Allaffimmi pisortaq Sarah Thode Andersen, Mail: sata@nanoq.gl Mobil: 54 14 64