Supervisoritut iIinniarnerminnik naammassisut

Supervisorit nutaat ukuupput: Ane Louise Løvstrøm, Sofie Rosa Thorliefsen, Anette Broberg Helene Hornsbrugh, Anita Devanter Iversen, Birgit Niclasen, Arnajaraq Poulsen, Heidi Kristensen, Anette Melchior Jensen, Kirsten Nystrup & Dorthe Hansen.

Marlunngorneq septembarip ulluisa tallimaat 2017 supervisorinngortut 11-it Peqqissaanermik Ilinniarfimmi nalliuttorsiualaarnertalimmik ilinniakkaminnik naammassinninnermut uppernarsaammik tunineqarput.

Isumaginninnermut Aqutsisoqarfiup Peqqissaanermillu Ilinniarfiup kiisalu Dansk Fami-lieterapeutisk Instituttip suleqatigiinnerisigut ilinniartitaaneq piviusunngorpoq.

Supervisorinngorniarluni ilinniartitaaneq isumaginninnermut, ilinniartitsinermut peqqinnissamullu tunngatillugu qaffasissumik akunnattumik sivisussusilimmik ilinnia-galinnut neqeroorutaasimavoq.

Ilinniagaqassutsikkut ineriartornissamik, inuttut ingerlalluarnissamik ukiunilu suliffigisani kajumittuaannarnissamik qulakkeerinissaq supervsorinngorniarlunik ilinniartitsinermi siunertaavoq.

Supervisorinngorniarneq Isumaginninnermut Aqutsisoqarfiup isumaginninnermut tun-ngatillugu ilinniagalinnut ilinniartitaanikkut suliniutaanut ilaavoq.

Ilinniartitaaneq modulinik arfineq pingasunik tamarmik immikkut ullunik sisamanik sivi-sussusilinnik immikkoortortaqarpoq. Peqataasut immikkoortut akornanni atuagar-sornertaanik sulinermillu sungiusarnertaanik ilinniarput, ilaatigullu tamatumunnga ata-tillugu allattariarsukkanik suliaqarlutik.

Ikorfartuisunngorlaat pilluaqqungaarpagut!

 

Paasissutissat sukumiinerusut immikkoortortami pisortamut Ellen Magnussen-imut, oqarasuaatikkut: 346620, e-mailikkut: ello@nanoq.gl imal. Lisa Eziakiassen-imut Peqqissaanermik Ilinniarfimmi pisortamut attaveqarnikkut pissarsiarineqarsinnaapput