Islandimut paasisassarsiornerminni immersorneqarluarput

Tunngaviusumik inatsisissaq pillugu Isumalioqatigiissitameersut Islandimut paasisassarsiornerminni immersorneqarluarput

Tunngaviusumik inatsisissaq pillugu Isumalioqatigiissitap Islandimut paasisassarsiorluni angalanini naammasseqqammerpaa.

Isumalioqatigiissitap siulittaasua Vivian Motzfeldt naliliivoq:

Paasisassarsiornerput pissarsiaqarnaqaaq, ilaatigut suli eqqarsaatigisimanngisatsinnik immersorneqaqaagut. Nunatsinnut uterpugut misigaluta ukiuni tulliuttuni ingerlavissarput qanoq isikkoqarnersoq erseqqinnerusumik takusinnaalersimallutigu, taamaasillutalu suliniutissagut assigiinngitsut qanoq qaqugulu ingerlattussaanerlutigit.”

Præsident Gudni Th. Johannessonip saniatigut Isumalioqatigiissitap naapippai Altingip allattaanerata tullia Þorsteinn Magnússon, Ágúst Þór Árnason Akureyrip ilisimatusarfianinngaanneersoq, Jón Ólafsson, Thorvaldur Gylfason aamma Salvör Nordal Islandip ilisimatusarfissuaninngaanneersut kiisalu Páll Thórhallsson, Premierministerip inatsisilerinermut allaffiani pisortaq.

Isumalioqatigiissitap siulittaasuata tullia Mimi Karlsen naliliivoq:

Qujanaqaaq inuit assigiinngitsut naapikkatsigit. Isummat paasinnittaatsillu assigiinngitsut taamaasillugit aamma tusarfigigatsigit iluaqaaq. Islandimi paasisagut sulinitsinni qanoq atussanerigut paasinarsiartuaarusaalissaaq, pingaaruteqarporli paasissallugu neriorsuissannginnatta. Neriorsuissanngilagut nunarput namminersulivippat taava suna tamarmi aaqqissasoq. Maanna suliassatta pingaarnersaraat kalaaleqatittalu peqataatinniarnissaat suniarnitsinnik, aammalu sooq taamaasiorniarnitsinnik.”

Islandermiut ikiuukkusunnerat Isumalioqatigiissitap qujaruppaa. Isumalioqatigiissitarli isumaqarpoq inuiaat allat misilittagaat aamma paasisaqarfigissallugit kiisalu immikkut ilisimasalinnik naapitsinissaq pisariaqartoq.

Isumalioqatigiissitap siulittaasua Vivian Motzfeldt naggasiivoq:

Paasisanik nutaanik ulikkaarpugut. Angalanitsinnik nalunaarusiarput naammasseriarpat qilanaarpugut paasisatsinnik ingerlatitseqqiinissatsinnut.”

Isumalioqatigiissitaq tuliiani ataatsimeeqqissaaq ukiakkut  inatsisartut ataatsimiinnissaat sioqqullugu.

 

Annerusumik paasisaqarusuttut ukununnga saaffiginnissinnaapput:

 

Vivian Motzfeldt, siulittaasoq                                                     Mimi Karlsen, siulittaasup tullia

Mobil nr.: +299 55 56 41                                                         Mobil nr.: +299 58 76 19