Qeqertarsuatsiaat eqqaanni nanoq takuneqartoq

 

Aalisarnermut Piniarnermullu Naalakkersuisoqarfiup (APN) nalunaarutigissavaa Qeqertarsuatsiaat eqqaanni nanoq takuneqarsimasoq. Inuit eqalunniat asimiitullu allat nanoqarneranik mianersoqquneqarput. Inuit susassaqanngitsut nanoq qanilleqqusaanngilaat. APN-ip nunaqarfimmi nakkutilliisoq attaveqaqatigivaa, KANUAANA-lu ilisimatinneqarnikuulluni.

APN-ip tusagassiorfinnut nalunaarummut uunga ”Nannunik takunninnermi najoqqutassaq” ilanngussatut ilannguppaa, taanna qaqugukkulluunniit malinneqassaaq.

Aammattaaq allakkiaq ilanngunneqarpoq ”Kalaallit Nunnaani nannut ajornartorsiutaasut”, tassani najoqqutassami immikkoortut pingaarnerit erseqqissarneqarsimapput.

Nannunik takunnikkaanni, piniarnermut nakkutilliisoq erngerluni attavigineqassaaq, APN-imi pigaartup oqarasuaataa imaluunniit Nuummi politiit.

Aammattaaq oqarasuaatikkut ammasarfiit nalinginnaasut avataatigut APN attavigineqarsinnaavoq pigaartup oqarasuaataata normua: 48 25 20.

APN-ip ilisimatitsissutigissavaa maannakkut Nunatta Kitaani nannut eqqissisimatiitaagallartut, Sisimiuniit Paamiut ilanngullugit nannuttasssiissutit tamakkerneqareerlutik.


Paasissutissat sukumiinerusunik pissarsiniaraanni saaffigineqarsinnaasoq:
Immikkoortortami pisortaagallartoq Nuka Møller Lund 34 53 45, e-mail: numl@nanoq.gl