Imigassamut inatsit pillugu tusagassiorfinnut nalunaarummut naqqiissut

Tusagassiorfinnut nalunaarummi maajip aqqarnanni nassiunneqartumi Peqqissutsimut Naalakkersuisoqarfik allappoq inatsisissatut siunnersuummi siunniunneqartoq pisiniarfiit namminneq imigassamik qanoq assiaqusersuissanerlutik aalajangissagaat. Tamanna eqqunngilaq.

Inatsisissatut siunnersuummut oqaaseqaatinit erserpoq pisiniarfiit inimi immikkoortumi imigassat assiaqusersussagaat:

”Iliuusissatut nutaatut siunnersuutigineqarpoq imigassat aalakoornartortallit niuertarfinni inissinneqartarnerannik maleruagassaliorneq. Tamatuma kingunerisaanik imigassat aalakoornartortallit pisiniarfimi nioqqutissanit allanit assiaqusersorneqassapput.

Tamanna imigassanut aalakoornartortalinnut 0,5 sinnerlugu volumenprocenteqar-tunut tamanut atuuppoq.

Imigassanik aalakoornartortalinnik pisiniarfimmi nioqqutissanit allanit assiaqusersui-neq ingerlanneqassaaq inimik immikkoortumik pilersitsinikkut.

Taamaalilluni pisiniarfinnut piumasaqaatigineqarpoq imigassat aalakoornartortallit pisisartunit allanit takusinnaaneqannginnissaannik.”

Kukkussut Peqqissutsimut Naalakkersuisoqarfimmit ajuusaarutigineqarpoq. Tusagassiorfinnut nalunaarut nassiunneqarsimasoq paasissutissanik eqqortunik nutarterneqassaaq.

Paasisaqarnerorusukkuit Naalakkersuisup allattaa Nauja Møller mobilikkut: +299 58 26 54 imaluunniit e-mailikkut: nmoe@nanoq.gl attavigiuk.