Naalakkersuisut Siulittaasuat Naalakkersuisumik nutaamik innersuussiniartoq

 

Naalakkersuisut Siulittaasuata Kim Kielsenip Erik Jensen Naalakkersuisussatut Inatsisartut ataasinngorpat 24. apriili 2017 ataatsimiilerpata innersuussutiginiarlugu pilersaarutigaa. Tamanna tusagassiortunik ullumi sisamanngornermi 20. apriili 2017 katersortitsinermini saqqummiuppaa.

Erik Jensen pillugu naatsumik

Erik Jensen 41-nik ukioqarpoq nuliaraalu Heidi Ramsøe, pingasunillu paneqarput. Erik INI A/S-imi ukiuni 16-ini atorfeqarsimavoq siornatigullu inissiaatileqatigiiffimmi Københavnimiittumi ukiup aappaa qeqqa atorfeqarsimalluni.

Erik Jensen Qeqqata Kommuniani kommunalbestyrelsemut kingullermik qinersisoqarmat iserpoq Siumullu Sisimiuni immikkoortortaqarfiani siulittaasuulluni. Folketingimut 2015-imi qinersisoqarmat aamma qineqqusaarpoq.

Erik Jensen Aasianni GU naammasseriarlugu Qaqortumi EVU-mi aningaasarsiorneq allaffissornerlu ilinniagarivai.

Tusagassiortunik katersortitsineq tusarnaaruk.

Assit isiginnaakkit.

 

Tusagassiortunik katersortitsineq pillugu paasisaqarnerorusuttut attavigisinnaavaat Tusagassiivimmi pisortaq Paornánguaq Kleist oqarasuaat 55 94 24 imaluunniit e-mail paok@nanoq.gl.