Inuit Pisinnaatitaaffii pillugit Kalaallit Nunaata Siunnersuisoqatigiiffianni siulittaasoqarfik nutaaq

Inuit Pisinnaatitaaffii pillugit Kalaallit Nunaata Siunnersuisoqatigiivi, Siunnersuisoqatigiiffimmut ukiunut tulliuttunut marlunnut ilaasortassanik toqqaasoqareernerata kingorna ullut 15. aamma 16. marts 2017 ataatsimiipput.

Ataatsimiinnermi siunnersuisoqatigiiffimmut siulittaasoqarfimmut nutaamut qinersisoqarpoq, taakkulu maannakkut tassaalerput siulittaasoq Carl Christian Olsen (Puju) ICC-mit toqqagaasoq siulittaasullu tullia Leif Fontaine KNAPK-mit toqqagaasoq.

Siunnersuisoqatigiit aamma Kalaallit Nunaanni Inuit pisinnaatitaaffii pillugit Killiffik pillugu Nalunaarusiami inassuteqaatit oqallisigaat iliuuseqarfissallu isumaqatigiissutigalugit, taakkulu siunnersuisoqatigiinni ilaasortaanit aamma Danmarkimi Inuit Pisinnaatitaaffii pillugit Ingerlatsivimmit suliarineqassapput.

Immikkut soqutigineqarlutik oqaluuserineqartut tassaapput inatsisitigut innarlitsagaaliugaaneq aamma innarluuteqartunik sullissineq. Pilersaarutaavoq ataatsimiinneq tulleq Sisimiuni ingerlanneqassasoq, Siunnersuisoqatigiillu kissaatigaat oktoberip naanerani 2017 innuttaasunik ataatsimiiititsisoqassasoq.

Annertunerusunik paasisaqarusukkuit attaveqarfigiuk Carl Christian Olsen, Puju oqarasuaat 553369/email: puju@greennet.gl