Katuaq pilluarit!

Kulturip Illorsua Katuaq ukioq manna ukiut 20-nngorlugit nalliuttorsiorpoq. Tamatumunnga atatillugu pingasunngormat ulloq naallugu illoqarfimmi meeqqat nuannatsinneqarput.

Taamatuttaaq Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisup Doris Jakobsenip meeqqat oqalugiarfigivai, pilluaqqusiartorluni Katuamut ilakkarami. 

”Ukiuni 20-ni Nunatta Kulturikkut Illorsuata piginerani nuannersorpassuarnik pisoqartarnikuuvoq – inuppassuit nuannaarutigisaannik,” Doris Jakobsen ilaatigut oqarpoq, iluatsillugulu najuuttut kaammattorlugit, siunissami qanoq pisoqartarnissaanut siunnersuuteqartaqqullugit.

”Meeqqat inersimasullu tamarmik qanoq pisoqartartarnissaanik siunnersuuteqarsinnaapput – ukioq manna imaluunniit ukiuni aggersuni – illup iluani silamiluunniit. Isumassarsiatsialaammi tamatigut atorfissaqartippagut!” 

Annertunerusumik paasisaqarusuttut Naalakkersuisup allattaa Rosa Thorsen attavigisinnaavat: +299 34 66 05 imaluunniit e-mailikkut rosat@nanoq.gl

Oqalugiaat tamaat atuaruk uani