Tikaagulliit aamma arfiviit pisassiissutigineqarnerini agguaaneq

Ukiumi pisassiiffiusumi 2017-imi tikaagulliit aamma arfiviit pisassiissutaasut nunap immikkoortuinut agguaanneqarnerinut tunngasoq

2017-imi nunap immikkoortuinut pisassiissutit agguaassisartoqatigiit KNAPK, KANUKOKA aamma APN-imit sinniisuutitaqarfigineqartumit inassuteqarneratigut imatut isikkoqalerput. Pisassiissutit agguaanneqarneri Aalisarnermut Piniarnermullu Naalakkersuisumit akuerineqarpoq.

Tikaagulliit

Kitaani

2017-imi Kitaani tikaagullittassat tamakkerlutik 179-iupput (164 + 15 2016-mi pisarinngitsuukkat ilanngullugit). Pisassiissutit agguaanneqassapput angallatinut tuukkartalinnik qamutililinnut 129-t aamma ataatsimoorluni piniaqatigiinnermut 50-t. Angallatit kiisalu ataatsimoorluni tikaagullinniarnissamut teknikikkut piumasaqaatinik nalunaarutini ataani taaneqartunik naammassinnissimasutut akuerineqarsimasut nalunaarut atuuttoq malillugu 1. marts-imiit 30. novemberimut tikaagullinniarsinnaapput.

ATAATSIMOORLUNI - tikaagulliit 2017

 

 

Kalaallit Nunaata Kitaani#*

Pisat 2016

Pisassiissutit 2017

(2016)

Qaanaaq

0

1 (1)

Upernavik

19

5 (5)

Uummannaq

6

6 (6)

Qeqertarsuaq

7

3 (3)

Ilulissat

4

2 (2)

Qasigiannguit

2

2 (2)

Aasiaat

11

4 (4)

Kangaatsiaq

5

3 (3)

Sisimiut

6

3 (3)

Maniitsoq

7

4 (3)

Nuuk

1

3 (3)

Paamiut

5

3 (3)

Narsaq

7

4 (2)

Qaqortoq

4

3 (2)

Nanortalik

6

4 (3)

* Qaanaaq, Upernavik, Uummannaq, Qasigiannguit, Qeqertarsuaq, Narsaq

aamma Nanortalik 1. januar 2017-imi akuerisaallutik qamutilinnik tuukkartalinnik angallateqanngillat 

Tunu      

2017-imi Tunumi tikaagullittassiissutit tamakkerlutik 12-iupput (12 + 3 2016-mi pisarinngitsuukkat ilanngullugit). Ataatsimoorussamik tikaagullinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. marts-imiit 30. novemberimut tikaagullinniarsinnaapput.

ATAATSIMOORLUNI –

tikaagulliit 2017

 

 

Kalaallit Nunaata

Tunuani tikaagulliit*

Pisat 2016

Pisassiissutit 2017 (2016)

Ittoqqortoormiit

0

5 (5)

Ammassalik

15

10 (10)

* Ittoqqortoormiit aamma Ammassalik 1. januar 2017-imi

angallatinik tuukkartalinnik qamutililinnik akuerisaasunik peqanngillat 

Arfivinnik

Kitaanut 2017-imi arfiviit 4-t pisassiissutigineqarput (2 + 2 2016-mi pisarinngitsuukkat ilanngullugit). Angallatit, pingaartumik Qeqertarsuup Tunuani angerlarsimaffeqartut arfivinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. aprilimiit 31. decemberimut arfivinniarsinnaapput. Piniarnerup isumannaatsumik ingerlanneqarnissaa eqqanaarniarlugu ukiut siuliinitut piumasaqaatinik piumasaqartoqassaaq Namminersorlutik Oqartussat, Kommunet aamma piniartut akornanni suleqatigiilluarnissamik piumasaqartumik.

Arfivik 2017

 

 

Kalaallit Nunaata kitaani*§

Pisat 2016

Pisassiissutit 2017 (2016)

Qeqertarsuaq

0

4 (4)

Ilulissat

0

Aasiaat / Kangaatsiaq

0

Qeqqata

0

Sermersooq

0

* Qaanaaq, Upernavik, Uummannaq, Qasigiannguit, Qeqertarsuaq,

Narsaq aamma Nanortalik 1. januar 2017-imi akuerisaallutik qamutilinnik

tuukkartalinnik angallateqanngillat 

§ Angallatit ukunani angerlarsimaffillit Qeqqata aamma

Sermersooq taamatuttaaq APN-imut qinnuteqariarlutik

Qeqertarsuup Tunuani piniaqataasinnaapput

Eqqarsaatigineqarpoq kommunerujussuit nammineerlutik pisassiissutit sinnerinik agguaasseqqittarsinnaasut, immaqa ullormik aalajangersimasumik piffissalerlugit pisaasut aqunneqarnissaat aammalu pisassiissutit paggatassiissutigineqannginnissaat siunertaralugu, Namminersorlutillu Oqartussat ingerlaannartumik agguaasseqqinnermut tunngasunik piaartumik ilisimatittarlugu. Naalakkersuisup kommunit ataasiakkaat akor­nanni agguaasseqqittarneq isumagisassaraa.

§ 8, imm. 1 naapertorlugu APN pisussaavoq kingusinnerpaamik ulloq 1. september pisassiissutit sinnerussimasinnaasut agguaasseqqissalluni, tamanna KNAPK aamma KANUKOKA tusarniareerlugit. 

Piniarnissani piumasaqaatit (www.inatsisit.gl)

Arfernik angisuunik piniarneq ingerlanneqassaaq takuuk:

  • Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 12, 22. december 2014-imeersoq
  • Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.

Kalaallit Nunaanni arferit anginerit pisassat Arfanniarnermut Ataatsimiititaliarsuup (IWC), pisassiissutinik aalajangiisartuusup, inassuteqarnera tunngavigalugu aalajangersorneqartarput. Ataatsimoortumik ukiunut 4-nut atuuttumik tikaagulliusaanik, arfivinnik, qipoqqarnik Kitaanilu tikaagullinnik aammalu Tunumi tikaagullinnik pisassiissutit 2015-2018-imut atuupput. Tullianik IWC-mi ataatsimiinnissaq pilersaarutigineqarpoq oktoberimi 2018-imi. Ukioq pisassiiffiusoq naagaangat nalilersuineqartartussaavoq, nutaamik ukiumut tullermut pisassiinissamut inassuteqaateqartoqarsimappat pisassanillu qaangiisoortoqarsimanersoq misissorlugu. 

Paasissutissat sukumiinerusut pissarsiarerusukkukkit attavigiuk:

Immikkoortortaqarfimmi pisortaq Amalie Jessen, tlf: 34 53 04, e-mail: amalie@nanoq.gl