IKIU inatsisitigut siunnersuisarfik

Ukiuni kingullerni tallimani innuttaasunut 4.000-inut akeqanngitsumik inatsisitigut siunnersuisarneq

Ippassaq inatsisitigut siunnersuisarfik IKIU ukiut tallimanngorlugit nalliuttorsiorpoq. Ukiuni kingullerni tallimani innuttaasut 4.000-it ajornartorsiuteqarnerminni IKIU-mit akeqanngitsumik inatsisitigut siunnersorneqartarsimapput.

Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko nalliuttorsiornermut qaaqquneqarpoq, tassanilu Naalakkersuisup Mala Høy Kúko-p oqalugiarnermini IKIU-mi sulisut sulilluarnerannik qutsavigai.

”IKIU-mit qaaqquneqarnera nuannaarutigaara, aammalu IKIU pitsaasumik pingaarutilimmillu suliaqarnerani nersorpara. Inuit taama amerlatigisut namminneerlutik piumassusertik tunngavigalugu inoqatiminnut ikiuunniarlutik ilisimasaminnik misilittakkaminnillu atuerusunnerat killitsinnarpoq. Inunnut allanut pingaarutilinnik allangueqataasarpusi. IKIU innuttaasunut ikiuinissamik tapersersuinissamillu, immaqa allani nassaassaanngitsumik neqerooruteqartarpoq. Taamaattumik IKIU immikkut qutsavigiumavara. Neriuppunga innuttaasunut taakkununnga immikkut suliniuteqarnersi ingerlatiinnassagissi,” Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko oqarpoq.

Annertunerusumik paasisaqarusunnermi Naalakkersuisup Allattaa Elise Uupi Kuitse telefon nr. 551914-mut imaluunniit e-mail eukl@nanoq.gl aqqutigalugu attaveqarfigineqassaaq.