Kimigiiserfiginissaat pisariaqarpoq

Martha pressemoede 110613

Martha Lund Olsen: Qallunaat naalakkersuisuisa kimigiiserfiginissaat pisariaqarpoq

IA ulloq 9. september 2013 Danmarkip statsministerianut aningaasaqarnermullu ministerianut ammasumik allagaqarlutik ilaatigut allapput, 2014-imut aningaasanut inatsisissaq aqqutigalugu Kalaallit Nunaanni eqqartuussivinni pissutsit aaqqiiffiginiarlugit suliniutit annikippallaarnerat ajuusaarutigalugu.

Ilaqutariinnermut Inatsisinillu atuutitsinermut Naalakkersuisup, Martha Lund Olsenip, Kalaallit Nunaanni eqqartuussiveqarnermi unammilligassat annertuut danskit naalakker-suisuinit pimoorunneqarnissaanik suliniuteqarnini IA-mit tapersersorneqarmat nuannaa-rutigaa.

- Kalaallit Nunaanni eqqartuussivinni suliassat ingerlanneqartussat 8.000-t mis-sarluinnaaniipput. Qallunaat Nunaanni pissutsinut kisitsisit sanilliukkaanni qallunaat nunaanni suliassat millionit affaanit amerlanerusimassagaluarput. Inuiaqatigiit inatsisitigut isumannaatsumik ingerlatsigvigineqarnissaasa tunngaviata qajannarsiar-tuinnarnera isiginnaaginnarsinnaajunnaarparput, Martha Lund Olsen oqarpoq.

Unammilligassat annertuut naammassisinnaajumallugit suliamilu tassani suliassat sukkanerusumik naammassisinnaajumallugit Namminersorlutik Oqartussani inatsisinik atuutitsinermut tunngasut Martha Lund Olsenip patajaallisaaffigisimavai.

- Eqaartuussivinni suliassat amerliartuinnarnerisa aaqqiiffigineqarnissaat pingaartittoru-jussuuvara. Taamaammat sulilerama suliassannut salliutillugu inatsisinik atuutitsinermut tunngasut annertuumik patajaallisarneqarnissaat sulissutigisimavara, taamaasiornikkut aaqqiissutissaajunnartut sukkanerusumik suliaralugillu saqqummiussorsinnaalissavagut, Martha Lund Olsen oqarpoq.

Martha Lund Olsenip danskit inatsisinik atuutitsinermut ministeriat, Morten Bødskov, augustusip 7.-iani ataatsimeeqqatigaa tassani eqqartuussivinni suliassat tatisima-neqarnerujussuat ilaatigut eqqartorneqarlutik.

- Isumaqarpunga Morten Bødskovimik oqaloqatiginnittarnerit ajunngitsussap tunngaanut ingerlasut, taamaattorli ajornartorsiutit aaqqiiffigissagutsigik oqaatsit iliuusseqarnermik malitseqartinneqartariaqarput, Martha Lund Olsen naggasiilluni oqarpoq.