Namminersorlutik Oqartussat nunani tamalaani suliniutaat suliassaqarfinnut assigiinngitsunut immikkoortortanut agguataarlugit

Nunanut allanut pisortaqarfiup Naalakkersuisut nunani tamalaani suliniutaasa ataqatigiissaarneqarnerat isumagisaraa. Nunanut allanut pisortaqarfiup saniatigut nunani tamalaani suliniutip annertunersaanut suliamik suliarinnittarneq naalakkersuisoqarfinni ataasiakkaani ingerlanneqartarpoq.

Suliniut tunngaveqartinneqarpoq naalakkersuisooqatigiit nunanut tamalaanut takorluugaannit kiisalu ilinniagaqarsimanikkut immikkoortortaqarfiit ataasiakkaat periusissiaannit pingaarnersiugaannillu. Matuma ataani takusinnaavatit nunani tamalaani immikkoortortat sorliit naalakkersuisoqarfiit ataasiakkat pingaarnerusutigut suliaqarfigineraat.

 

Aningaasanut Nunamullu Namminermut Naalakkersuisoqarfik

  • Nunani tamalaani nunallu marluk akornanni akileraartarnikkut isumaqatigiissutit
  • Nunap immikkoortortaani nunanilu tamalaani paasissutissanik paarlaasseqatigiittarneq 
  • Nunanut Avannarlernut Siunnersuisoqatigiit ataanni suleqatigiinneq.

Ineqarnermut, Pinngortitamut Avatangiisinullu Naalakkersuisoqarfik 

  • Nunani Avannarlerni Suleqatigiinnermut Naalakkersuisoq
  • Nunanut Avannarlernut Siunnersuisoqatigiit suleqatigiissitaanni CAFF, AMAP aamma PAME-mi suliassanik isumaginnittarneq 
  • Nunani tamalaani isumaqatigiissutinik aamma pinngortitaq avatangiisillu pillugit isumaqatigiissutinik taakkununnga ilanngullugit 
  • Ramsar pillugu isumaqatigiissummik, uumassuseqarnikkut amerlangaassutsit pillugit isumaqatigiissummit, CITES, OSPAR aamma Københavnimi isumaqatigiissummit isumaginnittarneq 
  • Suliassanik isumaginninneq nunanut avannarlernut avatangiisitigut suleqatigiinnermut tunngatillugu 
  • Suliassanik isumaginninneq UNESCO-mi kulturikkut aamma pinngortitakkut kingornussassanik illersuinermut tunngatillugu 
  • Suliassanik isumaginninneq nunani tamalaani, naalagaaffikkoortumik aamma nunap immikkoortortaani pinngortitamut avatangiisinullu
    kattuffinnut tunngatillugit, tassunga ilanngullugit WWF, EEA NOBANIS 
  • Nunani tamalaani nunallu immikkoortortaani avatangiisitigut suliniut, assersuutigalugu avatangiisit pillugit isumaqatiginninniarnernut peqataaneq UNFCCC-ip ataani 
  • Nunanut Avannarlernut Siunnersuisoqatigiinni attuumassuteqartumik avatangiisitigut suliniutit aamma task forces-it.

Inuussutissarsiornermut, Aatsitassaqarnermut Suliffeqarnermullu Naalakkersuisoqarfik

  • Takornariaqarneq kiisalu Kalaallit Nunaannik ilisarititsineq ussassaarutiginninnerlu
  • Nunani tamalaani inuussutissarsiornikkut pissutsit
  • Avataaniit suliartortut
  • Nunat Avannarliit Killiit suleqatigiinnerat
  • Issittumi Siunnersuisoqatigiinni aalajangersimasumik iliuuseqarnissami ineriartorneq, PAME aamma EPPR samminerullugit 
  • Misilittakkanik paarlaasseqatigiittarneq aamma ilisimasanik oqallittarfinni assigiinngitsunik aviffigeqatigiittarneq uulia aamma aatsitassat pillugit, nunallu marluk akornanni oqartussaasutigut suleqatigiinnissamik isumaqatigiissutit ataanni. 
  • Nunani allamiunut soqutiginnittunut paasissutissiisarnermik ingerlatsineq 
  • Issittumi uuliakoornernut piareersimanissamik suleqatigiinneq pillugu isumaqatiginninniarneq iliuuseqartsitsinerlu.

Aalisarnermut, Piniarnermut Nunalerinermullu Naalakkersuisoqarfik

  • Aalisarneq pillugu EU-mit isumaqatigiissutit 
  • Islandimit, Savalimmiunit, Norgemit aamma Ruslandimit nunat marluk akornanni aalisarnikkut isumaqatigiissutit kiisalu Canadamit nunat marluusut akornanni oqaloqatigiinnerit 
  • Qilalukkat qaqortat qernertallu aamma nannut pillugit Canadamut nunat marluk akornanni isumaqatigiissutit 
  • Immamit isumalluutinik nunani tamalaani uppernarsaaneq 
  • Umiarsuliavinnik nakkutilliineq pillugu nunani tamalaani isumaqatigiissutit 
  • Ataatsimoorussanik uumasoqatigiit aalisakkat, qaleruallit, uumasut miluumasut imarmiut, uumasut miluumasut nunamiut kiisalu timmissat killilersorneqarnerat pigiinnarsinnaanerallu pillugit nunani tamalaani isumaqatigiissutit 
  • Aalisakkanut, qalerualinnut, uumasunut miluumasunut imarmiunut aamma uumasunut miluumasunut nunamiunut kiisalu timmissanut pisassiissutinik aqutsineq

Peqqissutsimut Attaveqarnermullu Naalakkersuisoqarfik

  • Imaatigut silaannakkullu angallanneq pillugu nunani tamalaani suleqatigiinneq danskit oqartussaasui qanimut suleqatigalugit 
  • Issittumi, nunani avannarlerni aamma nunani avannalerni killerni peqqissuseq pillugu suleqatigiinneq aamma ilisimasanik ilisimatitseqatigiittarneq 
  • Napparsimasunik katsorsaasarneq pillugu nunani tamalaani aamma nunat marluk akornanni suleqatigiinnissamik isumaqatigiissutit 
  • European Environment Agency-mit suleqatigiinnissamik isumaqatigiissut Innuttaasut peqqissusiannut avatangiisit sunniutigisartagaat pillugit ilisimasanik ilisimatitseqatigiittarneq

Ilinniartitaanermut, Ilageeqarnermut, Kulturimut Naligiissitaanermullu Naalakkersuisoqarfik

  • Nunani avannarlerni killerni kulturikkut suleqatigiinneq 
  • Nunavummit kulturikkut suleqatigiinneq 
  • Tigussaasuunngitsumik Kulturikkut kingornussat pillugit aamma Kulturikkut Amerlangaassuseq pillugu FN-imit isumaqatigiissutit 
  • Ilisimatusarneq ilinniartitaanerlu pillugit nunani tamalaani aamma nunat marluk akornanni suleqatigiinnissamik isumaqatigiissutit 
  • Ilinniagaqarnikkut paarlaasseqatigiittarneq 
  • EU-mit suleqatigiinnissamik isumaqatigiissummit iliuuseqartitsineq 
  • Nunat Avannarliit Siunnersuisoqatigiivisa ataanni kulturikkut suleqatigiinneq 
  • Arctic Winter Games 
  • Nunat marluk akornanni, nunap immikkoortortaani aamma nunani tamalaani kulturikkut suleqatigiinneq 
  • Arnanut qanorluunniit ittunik assigiinngisitsinerup atorunnaarsinneqarnissaa pillugu FN-imit isumaqatigiissummut nalunaaruteqaqqinneq (CEDAW) 
  • USA-mit suleqateqarnermi Joint Committeeqarneq

Ilaqutariinnermut Inatsisinillu Atuutsitsinermut Naalakkersuisoqarfik

  • FN-imit meeqqat pillugit isumaqatigiissutit
  • FN-imit innarluutilinnut isumaqatigiissutit 
  • Isumaginninnikkut isumannaarinninnermut Nunat avannarlermiut isumaqatigiissutaat