Aalisarnermut immikkoortortaqarfik

Stemningsbillede

Aalisarnermut immikkoortortaq suliassarai Kalaallit Nunaanni aalisarnikkut inuutissarsiummut tunngatillugu allaffissornikkut ingerlatsineq ineriartortitsinerlu. Immikkoortortap kalaallit nunallu allamiut Kalaallit Nunaata imartaani aalisarnerisa allaffissornikkut aqunneqarneri malittarisatigullu naleqqussaaneq isumagisaraa. Tamatumunnga atatillugu pisassiissutit akuersissutillu allaffissornikkut aqunneqarneri ingerlatarai. Angallammik tunitsiviliinissamut qinnuteqaatinik suliarinninneq. Nunat tamat akornanni aalisarnerup sammineqarnerani immikkoortortaq isumaqa­tigiin­niar­nerni illugiilluni aalisarnikkut isumaqatigiissuteqarnerit aammalu nunarsuup immikkoortuini aalisarnikkut suleqatigiiffinni sulinermut peqataalluni.

Aalisarnermut immikkoortortaq pillugu nittartakkatsinni Inuutissarsiorfiit ataani paasissutissat sukumiinerusumik paasiniaavigisinnaavat, innersuussami uani.

Susassaqarfiit:

  • Nunatsinni nunanilu tamalaani aalisarneq pillugu inatsisilerineq, naalakkersuisoqarfitsigut allaffissornikkullu ingerlatsineq taakkununngalu ilaallutik pitsaaliineq aammalu atuinermut isiginninneq
  • Nunatsinni nunallu tamat akornanni aalisarneq pillugu politikkimi suliassat pingaarnerit
  • TAC (pisarineqarsinnaasut qummut killingi) pisassiissuteqartarnerlu, aalajangiussaasullu naalakkersuisoqarfitsigut allaffissornikkullu ingerlanneri
  • Aalisarneq pillugu ineriartortitsinermik suliniutinik il.il. piviusunngortitsineq
  • Nunami tunitsiviit nunaqarfinnilu tunisassiorfiit, naalakkersuisoqarfitsigut allaffissornikkullu ingerlatsineq
  • Siunnersuisoqatigiit, ataatsimiititat, suleqatigiissitat, ataatsimiititaliat ataatsimeersuarnernullu qullersaaneq
  • Nunap immikkoortuini, illugiilluni nunanillu assigiinngitsut akornanni isumaqatigiissutit, taakkungunnalu piareersarnerit, malitseqartitsinerillu