Piniarnermut aallaaniarnermullu immikkoortortaqarfik

Stemningsbillede

Piniarnermut aallaaniarnermullu immikkoortortap suliarai piniarnermi aallaaniarnermi akiuteqarlunilu piniartitsinermi inatsisiliornermi allaffissornikkut suliat isumaqatigiissutinut tunngasut. Pisuussutinik uumassusilinnik atuinermi aqutsinermut tunngatillugu nunat tamalaat akornanni, nunarsuup immikkoortuani aamma nunat tamalaat akornanni kattuffinnut atassuteqaatinik isumaqatigiissutinillu isumaginninneq. Pisassiissutit taakkulu naalakkersuisoqarfitsigut allaffissornikkullu suliassat, ilagalugu piniarsinnaanermut akuersissutit. Piniarsinnaanermut allagartanik aaqqissuussineq allaffissornikkullu suliassartai. Suliat allat ilaatigut tassaapput Piniarnermut Siunnersuisoqatigiinnut allaattoqarfittut inissisimaneq. Piniarnermut aallaaniarnermullu immikkoortortaqarfiup aamma susassaqarfigaa sumiiffinni nioqqutissiassanik annertunerusumik atuilernissatta nittarsaanneqarnissaa taamalu aamma imminut pilersornerulernissaq.

Piniarnermut allaaniarnermullu immikkoortortaq pillugu innersuussami uani, sukumiinerusumik paasiniaavigisinnaavat. Tassani ilaatigut piffissat piniarfiusut sumiiffiillu piniarfissat piniakkanut ataasiakkaanut atuuttut sukumiinerusumik paasisaqarfigisinnaavatit.

Pisanik nalunaaruteqarneq:
Pisanik nalunaaruteqarneq periutsit marluk arlaat atorlugu pisinnaavoq:

Susassaqarfiit:

  • Nunatsinni nunanilu tamalaani piniarneq aamma aallaaniarneq pillugu inatsisilerineq, naalakkersuisoqarfitsigut ingerlatsineq, tassanilu ilaalluni pitsaaliineq aammalu atuinermut isiginninneq
  • Nunatsinni nunallu assigiinngitsut akornanni piniarneq aallaaniarnerlu pillugit politikkimi suliassat pingaarnerit
  • Pisassiissuteqartarneq, pisassiissutit aalajangiussat naalakkersuisoqarfitsigut allaffissornikkullu ingerlanneri, tassanilu ilaalluni piniarsinnaanermut akuersissutit
  • Nakkutilliinermi aamma piniarnermik aalisarnermillu nakkutilliisoqarnernut tunngatillugu suliassat pingaarnerit
  • Puisit amiinik nioqqutissianik EU-mi nunanut eqqussinissamut atugassanut akuersissutit (certifikat)
  • Piniarsinnaanermut allagartanik aaqqissuussineq, naalakkersuisoqarfitsigut allaffissornikkullu aqunneqarnera, tassunga ilanngullugu piniarsinnaanermut allagartanik suliarinninnermi pingaarnertut akisussaaneq kommunit suleqatigalugit
  • Akiliuteqarluni piniartitsinerit, naalakkersuisoqarfitsigut allaffissornikkullu aqunneqarnera
  • Nunap immikkoortuini, illugiilluni aammalu nunat assigiinngitsut akornanni isumaqatigiissutit, isumaqatigiissutit
  • Siunnersuisoqatigiinnut, suleqatigiissitanut, ataatsimiititalianut ataatsimeersuarnernullu tunngasunut qullersatut inissisimaneq