Atorfiit

Namminersorlutik Oqartussanut tikilluarit.

Neriuutigivarput qupperneq una atorlugit paaserusutativit akissutissartai nassaarissagitit, aammalu Namminersorlutik Oqartussat pillugu paasisaqarluarumaartutit.

Naatsumik oqaatigalugu; Namminersorlutik Oqartussat tassaapput Qitiusumik Allaffeqarfik aammalu suliffeqarfiit amerlasuut sumiiffinni assigiinngitsuni inissisimasut.

Qitiusumik Allaffeqarfik, QI-mik naalisakkajuttagarput sulisoqarpoq 650-it missaani, assigiinngittuni Naalakkersuisoqarfinni quliusuni, pisortaqarfimmi aammalu arfinilinni aqutsisoqarfinni aggulunneqarsimasunik.

Qitiusumik Allaffeqarfik politikkukkut aqunneqartuuvoq. Tamanna ima isumaqarpoq Naalakkersuisuni Inatsisartunilu aalajangikkat sulinitsinnut sunniuteqartarnerannik.

Qitiusumik Allaffeqarfiup suliassaasa pingaarnersarivaat qulakkiissallugu Naalakkersuisut sulinerminni aalajangernissamut tunngavissiuunneqarnerat pitsaanerpaajutissallugu aammalu aalajangikkat piviusunngortissallugit.

Naalakkersuisoqarfinni Aqutsisoqarfinnilu ulluinnarni sulineq assigiinngiiaarsinnaagaluartoq suliffeqarfik ataasiuvoq ataatsimik anguniagalik; tassalu innuttaasunut nunatsinnullu iluaqutissamik kissaateqarneq.


Inussiarnersumik Inuulluaqqusilluta

Namminersorlutik Oqartussat