Kalaallit Nunaata Washington, D.C.-mi Sinniisoqarfia

Washington, D.C.-imi Kalaallit Nunaata Sinniisoqarfia

Washington, D.C.-imi Kalaallit Nunaata Sinniisoqarfia 24. september 2014-imi pisortatigoortumik pilersinneqarpoq qallunaallu aallartitaqarfiata illutaani inissisimaffeqarluni. Aammattaaq 2015-imi Sinniisoqarfimmi pisortaq Canadami pisussaaffilerneqarpoq.

Sinniisoqarfik maannakkut aallartitaalluni Sinniisoqarfimmi Pisortamik aamma Aallartitaqarfimmi allatsimik inuttaqartinneqarpoq. 2017-ip ingerlanerani sulisut allatsimik najugaqavissumik suliffimmillu misiliisumik 2017-imi ukiakkut semesterimi aallartittussatut naatsorsuutigineqartumik ilaneqassapput.

Kalaallit sinniisuutitassaata aapperneqarnera 2013-imi Inatsisartut ukiakkut katersuunneranni aningaasanut inatsisissap isumaqatiginninniutigineqarnerani aalajangiunneqarpoq, aamma Namminersorlutik Oqartussat Kalaallit Nunaata imminut nammassinnaasumik aningaasarsiornissaanik qularnaarinninniarluni sulissuteqarneranut pingaarutilimmik alloriarnertut aamma isigineqassaaq.

Amerikap nunavittaata ilaattut Kalaallit Nunaata, Canadap USA-llu akornanni attaveqarneq pissusissamisoorpoq. Kingumut isigigaanni USA-mut atassuteqarneq annerusumik Amerikamiut sakkutooqarnikkut Kalaallit Nunaanni najuunnerisigut pivoq. Danmarkip USA-llu isumaqatigiissutaat 9. april 1941-meersoq illersornissamut isumaqatigiissutip 1951-imeersup taarserpaa. Kalaallit Nunaata Canada qanimut suleqatigaa, pingaartumik Issittumi Siunnersuisoqatigiinni kiisalu issittumi naalagaaffinni sinerialinni. Tamatuma saniatigut aamma Kalaallit Nunaat Canadami qanimut suleqataasutut pitsaasumik atassuteqarpoq, soorlu ICC Canadamut Nunavummilu naalakkersuisunut taamaattoq.

Washington, D.C.-imi Kalaallit Nunaata Sinniisoqarfia Kalaallit Nunaata aamma USA-p nunat tamalaat akornanni suleqateqarneq pillugu suleqatigiissutai nukittorsaaviginiarlugit assigiinngitsutigut sulissuteqarpoq: Politikkikkut, aningaasaqarnikkut, niuernikkut, ilinniartitaanikkut, ilisimatusarnikkut kulturikkullu. Sinniisoqarfik aamma Kalaallit Nunaanni pissutsit il.il. pillugit Amerika avannarlermi paasissutissiisarpoq kiisalu Naalakkersuisut, Inatsisartut qitiusumillu allaffeqarfik sullitaralugit.

Attaveqarfissaq
Kalaallit Nunaata Sinniisoqarfia
3200 Whitehaven St. NW
Washington, D.C. 20008
Oq./Tel.: +1 202 234 4300

Sinniisoqarfimmi Pisortaq, Inuuteq Holm Olsen, inol@nanoq.gl

Aallartitaqarfimmi allatsi, Rebecca Lynge, rejl@nanoq.gl