Kalaallit Nunaata Københavnimi Sinniisoqarfia

Grønlands Repræsentation i København

Kalaallit Nunaata Sinniisoqarfiata Naalakkersuisut, Inatsisartut, qitiusumik allaffeqarfik, namminersorlutik oqartussat ingerlatseqatigiiffii kommunellu sullittartussaavai, matumunnga aamma ilaapput naleqqunnerpaamik Danmarkimi imaluunniit Danmarkimit suliat suliarineqarsinnaasutut isigineqartut.

Lida Skifte Lennert Naalakkersuisunit sinniisoqarfimmi pisortatut toqqarneqarpoq.

Kalaallit Nunaata Sinniisoqarfia ima immikkoortortaqarpoq:

  • Sullissinermut immikkoortortaq, sullissinernik isumaginnittartoq
  • Naalakkersuisoqarfiit immikkoortui (siunnersorteqarfiit kiisalu naalakkersuisoqarfiit Danmarkimi immikkoortortaat), taakku naalakkersuisoqarfiit suliaannut atasunik suliaqartarput.
  • Kalaallit Nunaata Sinniisoqarfia attavigineqarsinnaavoq quppernerup ataatungaani paassissutissat atorlugit.

Kalaallit Nunaata Sinniisoqarfia KGH-ip quersuaatoqaani 1767-meersumi "Nordatlantens Brygge"-mik taaneqartartumi inissisimavoq Savalimmiut Sinniisoqarfia Islandillu Aallartitaqarfia inissisimaffeqaqatigalugit. "Nordatlantens Brygge"-p nittartagaa uani takuneqarsinnaavoq: www.bryggen.dk