Naalakkersuisut

Naalakkersuisut tassaapput Kalaallit Nunaannit naalakkersuinikkut aqutsisut, Inatsisartunit toqqarneqartut.

Kalaallit Nunaata naalakkersuinikkut ulluinnarni aqunneqarneranut Naalakkersuisut akisussaasuupput. Naalakkersuisut ukioq kaajallallugu sulipput. Naalakkersuisut siulittaasuat Naalakkersuisut Siulittaasuattut taaneqartarpoq, Naalakkersuisunilu ilaasortat Naalakkersuisunut ilaasortatut taaneqartarlutik.

Namminersornerup 21. juni 2009 eqqunneqarneranut atatillugu Kalaallit Nunaanni Naalakkersuisut qallunaatut taaguutaat ”Grønlands Landsstyre” allanngortinneqarpoq Naalakkersuisunik taaneqartartussanngorlugit,

Naalakkersuisut siulittaasuat Inatsisartunit toqqarneqartarpoq, taassumalu Naalakkersuisunut ilaasortassat toqqartarpai. Naalakkersuisoqarfiit allaffissornikkut sulineq ingerlatarisarpaat. Naalakkersuisunut ilaasortat ataasiakkaat Naalakkersuisoqarfimminni sulineq akisussaaffigisarpaat.